香港股民的教育程度近10年肯定係大幅提升，不過在人性弱點之下，面對市場的波動，筆者唔認為投資成績會因為教育程度的上升而有明顯改善。

今日4/4⋯仍然係第二季開首，有左呢個網站之後，筆者今個禮拜心情都有所改善，起碼唔會好似之前咁鬱結，響入正題之前，請大家順住下文點列式的往下看，唔好期望睇完jm9free之後會發達，版主自己都未發達，但係響市場咁多年都仲有氣有力，不無原因，希望可以比到多少有營養的資訊比大家，希望半年後的檢討，大家有可以面色紅潤，避險之餘仲有微利⋯⋯

1）呢個係一個.com網站，所以使用時唔好咁心急，即使你身處的地方訊號接收良好，佢都要1秒多一點才能夠跳到第二個頁面，唔同手機Apps⋯⋯，你一按0.3⋯秒後即刻有反應！

2）文章所列出的股票冧巴，唔係寫出嚟你下個星期一即刻9沖入貨，如果自己中學時期閱讀理解經常低分，我就勸你最好自己比多點時間消化下內文，究竟作者的文中意義是什麼？再睇下自己可承受的風險有幾多？先至去諗下一步究竟應該點做？而唔係抄低冧巴入貨，痴線㗎咩？見到就入⋯⋯你表哥姓馬都死！

3）香港寫股票唔係唔收錢即係代表合法，冇收錢或者利益只係條件之一，發佈人仍然要遵於事實去發表，寫到武俠小說咁，一樣係有問題！

4）#1716⋯毛記葵涌，阿Bu同陳強賣盤，前個星期響Patreon提過，當時$3.0⋯邊，筆者謂佢未炒完，人同股票都係一係，有D股票一出世已經注定行徧鋒，呢隻股票2018⋯上市時超購9倍。宜家新人入主，唔可以用$0.65⋯去計成本，通常呢類買殼入主，炒到新主坐正之前，就會見高位，呢類有曬故事、時間、路線圖⋯⋯有貨者宜留意新主發行新股前，是否需要離場？自己留意！

5）#1428⋯耀才，筆者早前在Patreon亦都提過，有錢有耐性可以嘗試考慮買入，螞蟻交易批左，應該都係未炒完，網上卷商用千人IT部門support已經係趨勢，小公司只能夠鬥服務，你有錢有耐性$11.0⋯樓下可以考慮下，睇超長線，成績要以年去計。

6）2026第二季，港股方面，筆只看好一只#1299⋯友邦，屬於良家婦女，正經股票。

TSLA⋯已經入左兩注，美股會趁美伊戰繼續入貨，CRWV⋯上方目標US$116.0⋯暫不考慮食糊。

篇幅關係，有機會再同大家分享！