有位網友inbox筆者問#700⋯今日趁業績前答一答，但係筆者必須事先聲明，我嘅睇法同今個業績之後的股價升跌，絕對沒有什麼關係，我只係講我自己對呢隻股票的個人睇法，之後佢孰升孰跌，中間唔牽涉任何操作建議，睇完之後你有什麼睇法係你個人的判斷。

1）點解糾結響要唔要買#700⋯騰訊呢件事上面？買唔落手？咁點解幾千隻上市股票你唔買，一定要買#700⋯？筆者並非要拗頸，而係我見過太多散戶投資者，執念太重，就如科學研究，你最初的立論有問題，往後的決定就全部都係錯。會唔會嘗試抽離呢個死胡同的決定？

2）#700⋯的死症主要有兩條主線，A）基本因素佢最好，但係內地實體經濟唔得，2）南非大股東Naspers響2021⋯年世紀批股之後，揚言會長期持有，言猶在耳，不到一年已經宣佈無限定減持#700⋯呢個係死症，單係今年第一季已經沽出1300⋯萬股#700⋯宜家唯有就係靠自己公司本身的資源不斷響市場回購股份。

3）如果心水清的投資者，都應該好清楚記得，上一季業績期，香港上市的#700⋯#3690⋯#9988⋯三隻股票，都不約而同地非常巧合咁⋯⋯響業績公佈前的一個交易日，突然間有好消息，真係三個好消息輪流發佈。當然，翌日已經打回原形，呢種好明顯係典型嘅大戶派貨手法，已經唔需要去再研究。

我斷唔會幼稚到叫大家睇住條20天線炒上落⋯⋯幾多幾多就止蝕，幾百蚊股，唔會咁兒戲！

睇到呢度，我要講嘅都講晒，你覺得可以買⋯⋯咪買囉！我唔會比意見！