我響呢度請大家幫下我手，將我呢個股票網頁同我散出去，愈多人睇愈好，放心！呢度我冇打算收取任何費用，連你係邊個我都冇興趣知，我係純粹分享，個$30.0⋯咖啡錢，你去到Pacific Coffe基本上選擇都好有限，但係用嚟支持網站營運就好適宜。

個市郁左少少，好多股票都有反應，美股個邊業績期，個股上落大，有危有機。

今個星期概括重溫下我自己對市場的睇法，呢度講說話反而比較從容，因為冇留言功能，YouTube班柒頭都CLS，為反而反，但係我亦都唔會因為某些人的行為而唔做，冇呢個需要，既然有人聽完去all in，即係證明左三件事，1）佢哋好相信我，2）佢哋嘅智力有問題，3）以上兩者皆是。

今年VGFA都冇乜大動作，今年內冇加價的打算，入面的朋友去留已經唔係純粹收費的問題，就算我大加收費一倍，我相信走嘅都係十個八個，但係市道艱難下，是否真係有呢個需要？

jm9free網站開左不到兩個月，今日review 一下個股⋯⋯

1）#1716⋯毛記葵涌，轉手後$3.0⋯我提過，應該係未炒完，近日大股東名單現身，第一輪炒賣應該完結，要唞要回要收集。

2）#1428⋯耀才，螞蟻收購獲批，$13.0⋯樓下收集中，應該有機會炒上，證券股難炒，在於飄忽，冇時間表幾時會炒！

3）#165⋯光大，裂口下跌之後收集中，呢D價風險不高，有值博率，如果純睇圖，可能仲要行多兩個禮拜⋯⋯冇具體時間表。

4）#1347⋯華虹，好利害，一浪高於一浪，$144.70⋯應該或者仲有少少高位，不過我自己睇上面唔會有太多空間。

5）#358⋯江西銅，幅圖靚，下方整固已經完成，短期或炒上，冇目標價提供，FLS煩！

6）#179⋯徳昌電機，利申：有貨，好利害，買盤令人耳目一新，筆者都打算坐艇等運到，不到一個星期已經上返岸，有貨的話宜持有。

7）#9660⋯地平線，有貨，希望下個禮拜會炒上，希望啦！

美股CRWV⋯業績公佈後大回，訂單多，但同時資本開支亦都急增，AI股死症，希望先尋底先，筆者並無擔心過，$70.0⋯邊同$115.0⋯各一注，坐下先，有排都未到目標。

TSLA⋯均價$370.0⋯暫不考慮沽出，仍然持有，亦都唔打算做任何動作。

五月目標係響五月第三個星期完結前沽清手頭上的港股，以後都係報導形式多，少參與，重心全力轉移至美股。

另外，我呢個網站，有email可以聯絡我，如果大家想討論咩股票，可以嘗試send email 比我，資訊欄有資料，當然，我未必一定答！

多謝大家支持！