上個禮拜拋下一句“見字速逃”就完，目的係唔想公開解釋太多，如果有訂Patreon都未能夠保護到自己，真係唔好怪人，都係老生常談的問題，散戶的執念⋯⋯

大家經常有一個誤解，買股要選好的股票，正經的股票，又要有息派、又要管理層好，呢類股票唔係冇，但係基本條件好，唔代表隻股票一定會升，相反，一隻集好多有利條件的股票，長年都未必會升，就如返學操行好，但係成績未必好，讀書成績好，亦都唔代表將來搵到錢，所以，自己問清楚自己要什麼？有位師兄好喜歡買港股，幾乎我品題過的股票佢都買，雖知呢個係超級危險的動作，當然，我唔知佢身家有幾厚？可能買咁多都係面嗰浸，不過倉內多過6-7…. 隻股票，要管理已經唔係一件容易嘅事。

今日同大家討論下#992⋯聯想集團，呢隻應該係第一代的紅籌股，如果冇記錯當年炒到$67.0⋯之後一拆三，基本因素係一隻好股票，香港註冊的內地企業，但係響美國市場已經相當成熟，基本上你直頭可以當佢係一隻美股看待，反而同國內政策沒有太大的關連。最近呢兩個月股價炒起左，由$9.0⋯邊炒上$13.0⋯水平，今日出咗一個見頂訊號，相信短期都係傾向調整多。

呢隻股票有一個特點，就係$10.0⋯樓下先至好留意，$9.0⋯多少少至係入貨位。回返我會唔會買？我唔會！佢就係個種操行好，成績好的學生，我就係嫌佢唔夠壞⋯⋯

大市不在此交代，Patreon每天都在講⋯⋯