今日星期六，忙住交文！

七月之後，筆者將會減少工作量， 即市資訊將會全部完結，以後的日子，早上交完早晨Post基本上就已經完成左一日的工作，減工作量係既定的目標，沒有什麼大事情，時間還是留返比自己。

筆者早前品提過好多股票，港股、美股數量參半，近排港股的表現乏善可陳，個股表現兩極化，都係呢句：個市冇水，再好的股票都唔會升，響暫時仍然未有訊號的情況下，難言見底，不過港股已經跌咗一段，反彈條件的確係有，不過反彈時間不詳，幅度、目標也沒有頭緒⋯⋯

我自己就唔會嘗試貿然估底！

不過個別股票，似乎跌左之後又見吸引力，我冇乜錢，如果你比舊錢我一定要買一隻港股，可能我會買#5⋯就算！如果進一步收窄範圍，一定要我買一隻中資股⋯⋯我可能會買#1347⋯呢個好視乎個人，我唔使返工可以望住個市就梗係，如果朝九晚五又要見客、又要開會，基本上冇乜可能可以捕捉到個股波動！

上個禮拜#165⋯光大又收穿左$6.0⋯似乎落雨收遮對中字股影響都頗大，但係冇壞消息，又何來有大減價？#165⋯星期四收$5.73⋯基本上呢個價我唔敢講見底，但係如果分三注的話，呢個價點都要入一注，風險偏低、但向上空間大，最緊要係唔使點花精神打理⋯⋯

詳細市況唔會響度講，純粹個股分享而已