今日係11/4/2026⋯如果希望明年今日仲可以響jm9free睇到我分享下股票，大家就要幫下手將呢個網站推介比身邊的人，愛人又好，仇人又好⋯⋯說不定愛你的會更加愛你，同你有血海深仇的最後化敵為友，豈不快哉！

今日快靚正，看大家的性急樣子，尤如初中學生看AV一樣，最好一看機就係戲肉，其他情節最好fast forward 跳過便算！

1）#700⋯#3690⋯#9988⋯三隻之中，路遙知馬力，最後只剩下#700⋯最對辧，你同意與否係另一件事，呢度係一言堂，唔喜歡的話可以唔睇！唔係叫你買#700⋯而係後市可以睇少兩隻股票。

2）#1428⋯耀才，#1716⋯毛記都係極難對付的股票，拿出來討論只不過係一個參考教材，你宜家入去買，可能最後都係有錢賺，不過就可能遍體麟傷之下去賺，做人已經好辛苦，唔會係一件容易的事。取易不取難之下，放在watching list係必須，買唔買又係另一件事。

3）#358⋯江西銅又屆吸納時，佢似乎由一隻舊國企進化成一隻AI材料股，利申，有貨。

4）#6869⋯長飛光纖上個禮拜短頂已見，有貨者宜先減貨，下面或者$166.0⋯比較靠譜，純粹9估，大強勢水喉股，自己拿揑。

5）#165⋯光大剛剛星期五沖一浸，回補部份裂口，下方整固收集未完，仍要多點時間。

6）#168⋯青島啤酒始終係貨在強手，自己追返Patreon前Post

7）CRWV⋯步速之快令人咋舌，不足兩星期已經見$102⋯合作項目陸繢公佈，靜待$116.0⋯目標，周線企穩$116.0⋯的話，再加$買入一注CRWV！

港股呢面唔係太樂觀，YouTube出面班小朋友成日追問方向，市場已經由情緒化走回基本面，唔樂觀係中長線市況，部份科技股同新經濟股已經身陷泥沼之中⋯⋯

中資科技股追唔上國際水平，不得不𠄘認反而差距明顯擴大左。

有時間再出Post！