07/04/2026….. 已經去到復活節假期的最後一日。

今朝一早醒來，返到炒房清潔執拾一下⋯⋯

拿得起的繼續拿在手中，好好掌握，該放下的就得放下來，等自己可以繼續往前走。

三個月內的短期目標，係希望響唔增加工作量下，維持每個禮拜2-3個Post，側重以重點的短文為主，另外，希望大家可以幫我手分享呢個網站比其他人，增加網站的點擊率。

今朝隨手拈來一隻#165⋯光大同大家談談⋯⋯

去年七月尾，筆者曾經響Pstreon點評過呢隻股票，唔想煩之下當然立場係中立，孰買孰賣也不置可否，模棱兩可，去到九月尾十月初，#165⋯升至高位$13.20⋯

上個禮拜，#165…赫然出現左一個下跌裂口，假期前更加跌至$5.93⋯的低位。

筆者之前都炒過#165⋯宜家手頭上冇貨。

響呢個網站成立之初，筆者已經不諱言千祈唔好見到冧巴就沖，自己細心閱讀咀嚼上文下理先至好打算⋯⋯打算有行動，最理智係將冧巴加入觀察名單先⋯⋯

#165⋯光大的基本因素冇問題，直屬中國國務院，屬於繼華潤集團最初到港的第二批國家級集團，好處係穩！什麼供股、合股的風險相對低好多，刻下有幾點要注意。

1）$7.27⋯對落的下跌裂口，其實背後訊息係呢隻股票或者需要另一個長時間的收集。仲要運行幾耐？唔知！下面仲要跌幾多？唔知！不過愈近$5.40⋯水平，似乎風險就愈低。

2）下跌裂口說明左有排都未升得，所以如果自知自己性子急，咁你仲買唔買？呢個就閣下自行決定！

3）資金面未必完全照顧呢類股票，因為水喉大多照顅新股或者當炒股。

4）似乎平時工作量大，由早上9:00⋯忙到6:00⋯又冇可能時刻留意手機短訊的，呢類股票或者係另類的選擇！

股票投資投機屬於非常個人，你杯茶未必啱我，買左又未升得仲要唔知坐幾耐⋯⋯？

冇人戴頭盔，只不過係好老實同大家分享孰危孰機。

麻煩大家多點同我分享jm9free.com，增加點擊率，今日分享至此！