市場政策似乎出現左變化，港股響結算前後亦見震盪。

大家想知道大市波動如何？可以去Patreon訂閱VGFA⋯⋯

呢度仍然係主力講股票，但係必須注意，呢度從來都沒有什麼貼士或者冧巴派比大家，我自己都係隨心去寫，背後沒有什麼計算或者目的，筆者相信隨心做應該係最好。

網站運作左兩個月左右，呢度品評嘅股票大多都有好表現，屬於一個好開始，不過唔係所有筆者持有的股票都係上升，一年當中梗有一隻半隻乃野坐艇⋯⋯就以NFLX為例，$88.60⋯買入，上過$100⋯樓上，差少少，差少少，冇食糊又打回原形⋯⋯港股仲慘！#9660⋯地平線買過兩轉均價都要$8.0⋯星期五收報$5.29⋯當然，中間走甩咗止血的機會，你問我驚唔驚？我又唔係好驚，一來唔算重倉，二來佢星期五咁樣跌法，似乎又有後著。

過去一個星期總共買入左四次NOK⋯⋯好多網友都追問我目標幾多？咩事不斷增持？我當然唔會公開交代，身體最誠實。

#700⋯騰訊已經跌至$426.0⋯筆者反而覺得呢D位風險已經好低，什麼叫做好股票？$550⋯的#700⋯騰訊當然稱唔上好股票，但係$426.0⋯的#700⋯價值漸現，已經可以開始慢慢收集⋯⋯我自己就唔會買，我好簡單，唔係見到隻股票會升我就入，基本上唔係我杯茶的話，我唔會入！

過去一個星期只係加倉NOK⋯⋯冇減過貨！