個市唔靚，美股急回，港股外圍期貨大跌，下個禮拜都應該唔會太好，美股方面我自己就唔係太擔心，似係執倉多少少，反而港股呢邊就真係唔係太睇好⋯⋯

今日同大家分享下我自己用來買美股入市前都會看一看的指標，好簡單、容易用。

筆者每次入一隻美股之前，當然唔會識佢10分鐘之後即刻決定買入，通常都係經過一段時間的觀察先至搵機會落手，但係我點知自己有冇高追到呢隻股票？又或者咁講，有冇D方法可以省卻高追的風險？我自己就會睇住RSI14⋯去決定，由於美股市場深度夠，個別股票要做市難度相當高，所以比較可靠。今日找來NVDA⋯做一個例子：

NVDA的日線圖，大家可以留意，每逢NVDA⋯的RSI14⋯升至70⋯之上，都好快回落，好多時美股個股的短期超買都頗嚴重，當我見到一隻股票的RSI14⋯已經去70⋯之上，我大多數都係翹埋雙手唔會做嘢⋯⋯因為預示左佢已經超買，股價好快回吐，要買入的話，最好都係宜等一回，唔可以急高追入。響去年10月尾NVDA都出現過RSI14⋯高過70⋯的情況，股價由$210⋯跌返落去$180⋯水平，今個浪亦都係一樣，今年RSI14…曾經兩次超越70⋯琴晚收$205⋯水平，入貨的話，點都比之前慳左差唔多$30.0⋯！

不過要留意，呢個方法只係參考，1）超短線操作並不適合，因為超買之後可以更超買，2）唔可以見佢RSI14⋯高就走去做淡，3）呢個方法只係幫你避高追，大強勢股回左之後你就要考慮買入，如果唔係，一個星期後你會認為自己啱，但係兩個月後你就可能怪我！大強勢股，唞完氣又會創新高。

此欄不定期更新，下個禮拜再見