琴日好攰，完成左Patreon的工作之後二話不說跑返屋企，唔想再諗個市，想比自己休息下。jm9free自然就唔會有Post，免費亦都有免費的好處，你冇要求，我冇責任，大家都舒服。

今個星期SpaceX終於都上市，坦白，筆者期待左好耐，太空資源比人遺忘左幾十年，終於有私人企業可以打開佢，成功製造利潤同大眾分享，當然，IPO $135.0⋯唔係平，遲下個市跌一跌，穿破發亦都唔出奇，不過響兩手空空的情況下，睇好睇淡都要有點貨響手，筆者前晚響$170.0⋯追入咗，宜家當然係蟹緊，不過我仍然會吸貨，目標係再吸多兩注SPCX⋯⋯就完成所有部署，之後就係乜都唔做，等待之後繼續等待⋯⋯唔好以為係冇章法，按奈自己去等待都係策略的一種。

我自己經常上YouTube睇帆船Post，帆船由早年靠雷達定位的微弱訊號上網，到宜家愈來愈多私人帆船裝Starlink上網，即使響大海中心，仍然可以用手機自由上網，下載網速同你響九龍灣天橋差唔多，上載速度就慢一點，基本月費大約係$200⋯美金一個月，連埋基本天線硬碟大約$500⋯美元，就係咁多！

以筆者所知暫時Starlink有三個基本Plan可供選擇，但係香港並非服務對象！

我自己就好深信買股票，其實就係投注緊公司的大老闆，Elon揸住85%⋯的控股權，令我有信心下注，呢個好重要！

當然，好多人好多噪音，又話龐氏騙局，又話破發、又話公司冇乜錢賺，$80⋯都比多⋯⋯其實發表個條友，可能都仲係$40000⋯港元一個月，每日返緊11個鐘，你替個世界首富擔心⋯⋯真係嘥氣！