好多朋友都問筆者#700⋯點睇？朋友當中，熟嘅有，唔熟嘅又有，純粹網上交流，從來未見過面嘅都有，大家都問我$426.0⋯係唔係買得？今次我嘗試從個人觀點講下自己嘅睇法，當中或者錯漏百出，所以大家必須自行消化及決定，勿因一時之念而衝動行事。

#700⋯響今年三月中，出現咗一個唔係太好的訊號，就係$537-$524⋯出現咗一個大型下跌裂口，都宜家都仲未回補，你可以講係差，但未算好差，#3690⋯去年八月下旬嗰個下跌裂口就真係非常差勁，當時筆者已言，Patreon叫大家唔好貪平，一定要避，有冇避⋯⋯？我當然唔會知！意見就照樣發表⋯⋯

#700⋯下面有幾個大位大家必須要注意：

1）$426-$390⋯會係一個相當唔錯的吸納區間，就算形勢再差，$390⋯響未來半年時間仲有可守之道，但由於#700⋯股價基數唔細，幾十蚊的區間波幅的確係唔容易掌握，我哋只係能夠忍手分注買，因為你唔知佢仲要回幾深？跌幾耐？

2）再落一級就係$390-$340⋯唔好以為係好遙遠的事，前年七月#700⋯都仲$350.0⋯水平。如果大市再回，唔排除#700⋯會下試$390-$340⋯呢個區間，唔好以為筆者嚇你，係隻股票真係差左？定係市場玩法改變左？不過你唔肯去面對？我自己反而覺得$390-$340⋯就真係有相當吸引力。

馬化騰唔去一窩蜂跑去做AI⋯⋯對公司而言，係一個聰明而負責任的做法，叫做有AI應酬下市場就算，燒錢的動作考慮清楚至下注。

不得不承應港股市場根本性已經出現左變化，仲抱殘守缺打算買ATM坐住一定冇錯，可能呢批先至傷。